Bu şöbə artıq Dövlət Yol Polisi İdarəsinə tabe deyil – DYP-də dəyişiklik

Daxili İşlər Nazirliyinin strukturanda dəyişiklik baş verib. Avtosfer.az-ın əldə etdiyi məlumata görə, Baş Dövlət Yol Polisi İdarəsində İstintaq və Təhqiqat Şöbəsi DYP-dən ayrılıb. Şöbə bundan sonra Daxili İşlər Nazirliyinin Baş İstintaq və Təhqiqat İdarəsinin tabeliyində olacaq. DYP-dən ayrılan şöbə bundan sonra DİN-in Baş İstintaq və Təhqiqat İdarəsinin bilavasitə tabeliyində olan Yol-Nəqliyyat Hadisələrinə Dair İşlər üzrə İstintaq və Təhqiqat Şöbəsi adlanacaq. Məlumatı Baş Dövlət Yol Polisi İdarəsinin şöbə rəisi, polkovnik Kamran Əliyev Avtosfer.az-a təsdiqləyib.

Qeyd edək ki, bir neçə gün əvvəl həmin şöbəyə yeni rəis təyin edilib. Xətai rayon Polis İdarəsi İstintaq Şöbəsinin rəisi, polkovnik-leytenant Vüqar Əhədov Yol-Nəqliyyat Hadisələrinə Dair İşlər üzrə İstintaq və Təhqiqat Şöbəsinin rəisi vəzifəsinə təyin edilib. Əvvəlki şöbə rəisi, polis polkovnik-leytenantı Hikmət Kərimov isə sərəncama göndərilib. 

Elmin