Bu yolda sürüşmə baş verib; iri qaya parçaları... - Əraziyə YPX cəlb edilib - Sürücülərin NƏZƏRİNƏ - FOTO - VİDEO

Bakı Kənar Dairəvi yolda ehtimal olunan təhlükənin qarşısı alınıb. Daxili İşlər Nazirliyindən (DİN) Avtosfer.az-a verilən məlumata görə, bu gün saat 16 radələrində Baş Dövlət Yol Polisi İdarəsinin Ekoloji Nəzarət üzrə YPX Bölüyünün əməkdaşları tərəfindən Bakı Kənar Dairəvi yolunun 6-cı kilometrliyində iri qaya parçalarının yola doğru sürüşməsi müşahidə edildiyindən dərhal aidiyyəti üzrə məlumat verilməklə ərazi nəzarətə götürülüb. Hazırda DYP əməkdaşları tərəfindən aidiyyəti qurumlarla birgə ehtimal olunan təhlükənin qarşısının alınması, eləcə də nəqliyyat vasitələrinin təhlükəsiz hərəkətinin təmin edilməsi istiqamətində qabaqlayıcı tədbirlər görülür, hərəkətin nizamlanması həyata keçirilir.

Sürücülərdən xahiş olunur alternativ yollardan istifadəyə üstünlük versinlər.