“Diqqət, uşaqlar!” aylığı çərçivəsində məktəblərdə yol təhlükəsizliyi tədbirləri keçirilir - VİDEO

Yol hərəkəti təhlükəsizliyi ilə bağlı düzgün vərdişlərin erkən yaşlardan formalaşdırılması xüsusi əhəmiyyət daşıyır.

Avtosfer.az xəbər verir ki, bu məqsədlə “Diqqət, uşaqlar!” aylığı çərçivəsində Baş Dövlət Yol Polisi İdarəsinin əməkdaşları məktəblərdə şagirdlərlə görüşərək onları yollarda qarşılaşa biləcəkləri təhlükələr və bu təhlükələrdən qorunma yolları barədə məlumatlandırırlar.

Maarifləndirici tədbirlərdə uşaqlarla real yol situasiyaları müzakirə edilir, onların qaydalarla bağlı bilikləri yoxlanılır, sualları cavablandırılır və təhlükəsiz hərəkətin əsas prinsipləri əyani və interaktiv şəkildə izah olunur.

Baş Dövlət Yol Polisi İdarəsi məktəbliləri yollarda hər zaman diqqətli olmağa, öyrəndikləri təhlükəsizlik qaydalarını gündəlik davranışlarında tətbiq etməyə çağırır.