DİN Şəhid Polislərin xatirəsinə həsr olunmuş cüdo üzrə çempionat keçirib - FOTO - VİDEO

DİN-in İdman Cəmiyyətində antiterror tədbirləri zamanı şəhidlik zirvəsinə ucalmış daxili işlər orqanları əməkdaşlarının xatirəsinə həsr olunmuş cüdo üzrə çempionat keçirilib.

Avtosfer.az xəbər verir ki, Daxili işlər orqanları əməkdaşları arasında keçirilən tədbirdə şəhidlərin ailə üzvləri, Azərbaycan Cüdo Federasiyasının nümayəndələri və digər qonaqlar iştirak ediblər. 
Yarışdan əvvəl Azərbaycanın ərazi bütövlüyü uğrunda canlarını fəda edərək şəhidlik zirvəsinə ucalmış igid oğullarımızın əziz xatirəsi bir dəqiqəlik sükutla yad edilib, Dövlət himni səsləndirilib.  

Tədbirdə çıxış edən qonaqlar bildiriblər ki, 44 günlük Vətən müharibəsində torpaqlarımızın işğaldan azad olunması dövlətçilik tariximizə parlaq səhifələr kimi yazılıb. Ötən ilin sentyabrında keçirilən lokal xarakterli antiterror tədbirləri ilə ölkəmizin suverenliyinin  tam bərpa edilib və bununla da erməni separatizminə son qoyulub. Bu şərəfli missiyada daxili işlər orqanlarının əməkdaşlarının iştirak etməsinin qürurverici olduğu vurğulanıb.

Qeyd edilib ki, cinayətkarlıqla mübarizədə fədakarlıq göstərən daxili işlər orqanlarının əməkdaşları həm Vətən müharibəsində, həm də anititerror tədbirlərində qəhrəmanlıq salnaməsi yazıblar.

Daha sonra yarışlara start verilib.

Yarışda qeyd edilən idman növündə əməkdaşlar 6 çəki dərəcəsində mübarizə aparıblar.

Qalib idmançılar medal və diplomlarla təltif olunublar.