DYP Abşeronda tədbirlər keçirib: taksi sürücüləri, yük maşınları, avtobuslar... - VİDEO

Abşeron rayon Dövlət Yol Polisi Şöbəsinin əməkdaşları rayon ərazisində maarifləndirici tədbirlər həyata keçirib. Avtosfer.az xəbər verir ki, tədbirlər zamanı dayanacağı zəbt edən sürücülərlə söhbərlər aparılıb, eyni zamanda dayanma-durma qaydalarını pozan, qanunsuz taksi fəaliyyəti ilə məşğul olan, yükdaşıma qaydalarına riayət etməyən sürücülər saxlanılıb. Eyni zamanda avtobus sürücüləri ilə söhbətlər aparılıb. Dayanacaqdan kənarda saxlamamaq, sərnişindaşıma qaydalarına riayət etmək barədə xəbərdarlıq edilib. 

DYP əməkdaşları onlarla proflaktiki söhbətlər aparıb, qanunun tələbləri izah edilib. Bəzi kobud qayda pozan sürücülər barəsində inzibati protokol tərtib olunub. 

Bildirilib ki, bu cür tədbirlər mütamadi olaraq davam etdiriləcək. 

Leyla