DYP-dən 15 yaşlı uşağın avtobus sürməsinə REAKSİYA - VİDEO

Bir neçə gün əvvəl Avtosfer.az saytında  “İSUZU”  markalı avtobusun azyaşlı tərəfindən idarə olunmasını əks etdirən videogörüntü yayımlanıb. Baş Dövlət yol Polisi İdarəsinin əməkdaşı polis leytenantı Elvin Hacıyev Avtosfer.az-a bildirib ki, aparılan araşdırma nəticəsində hadisənin paytaxtın Xəzər rayonunda 15 yaşlı yeniyetmə tərəfindən törədildiyi müəyyən edilib. 

Baş DYP İdarəsinin əməkdaşları tərəfindən həmin yeniyetmə və atası ilə profilaktik söhbətlər aparılıb. Səhlənkarlığa yol verdiyini etiraf edən valideyn barəsində qanunvericiliyə uyğun tədbir görülüb.

Baş DYP İdarəsi azyaşlıların sükan arxasına keçməsinə şərait yaradan valideynlərə müraciət edərək belə yanaşmanın əksər hallarda faciəyə gətirib çıxardığını bir daha xatırladır, gənc nəsli qanunlara və ictimai dəyərlərə hörmət ruhunda tərbiyə etməyə çağırır.

Qeyd edək ki, Bakıda mikroavtobus sürən gənc sürücü özünü videoya çəkərək sosial şəbəkədə paylaşıb. Oo, həm 77-HY-608 qeydiyyat nişanlı "Mercedes" markalı, həm də 77-FN-981 qeydiyyat nişanlı "İsuzu" markalı avtobusu idarə edib. Bütün videolarda təhlükəsizlik kəmərindən istifadə etmədiyi aşkar şəkildə görünüb.

Leyla