DYP əməkdaşı tələbə qızı avtomobillə vurdu

Bu gün saat 13:00 radələrində paytaxtda Azərbaycan Neft və Sənaye Universitetinin yaxınlığında Dövlət Yol Polisinə (DYP) məxsus 99 YP 316 dövlət nömrə nişanlı avtomobil tələbə qızı vurub. Avtosfer.az xəbər verir ki, bu barədə Sherg.az-a hadisənin şahidi olan əməkdaşı məlumat verib. O bildirib ki, DYP əməkdaşı əks yolla hərəkət edərək, qoşa xətti tapdalayıb və yolu keçmək istəyən tələbəni vurub: “Tələbənin vəziyyəti ağır idi. Onu taksiyə qoyub, xəstəxanaya apardılar. DYP isə həmin taksinin arxasınca getdi”.

Bakı şəhər DYP-dən Avtosfer.az-a bildirdilər ki, yazılanlar həqiqəti əkst etdirmir. Piyada yolun hərəkət hissəsi ilə hərəkət edərkən YPX avtomobilinin güzgüsünə toxunub. Heç kim xəsarət almayıb. Həmin şəxs yoluna davam edərək çıxıb gedib.