DYP məktəblilərlə görüş keçirdi - VİDEO

“Diqqət, uşaqlar!” aylığı çərçivəsində məktəblilərlə görüş keçirilib.

Avtosfer.az xəbər verir ki, Baş Dövlət Yol Polisi İdarəsi (BDYPİ) “Diqqət, uşaqlar!” aylığı çərçivəsində maarifləndirici tədbirlərini davam etdirir. Növbəti görüş paytaxtdakı “Aktual Tədris Mərkəzi”ndə təşkil olunub.

Tədbirdə məktəblilərə yol hərəkəti qaydaları, piyada keçidlərindən düzgün istifadə, nəqliyyat vasitələrinin yaxınlığında ehtiyatlı davranış kimi mövzular interaktiv formada izah edilib. Şagirdlərə təhlükəsizlik nişanları, işıqforun tələbləri və hər bir iştirakçının yol hərəkətində məsuliyyətini göstərən maarifləndirici materiallar təqdim olunub.

BDYPİ vurğulayıb ki, uşaqlar arasında yol hərəkəti qaydalarının öyrədilməsi və gündəlik vərdiş halına gətirilməsi gələcəkdə təhlükəsizliyin təmin olunması baxımından mühüm əhəmiyyət daşıyır.

Qeyd edilib ki, bu cür görüşlərin mütəmadi təşkili gələcək nəslin yol hərəkəti qaydalarına daha məsuliyyətli yanaşmasına və onların təhlükəsiz mühitdə böyüməsinə xidmət edir.