DYP nasaz avtomobillərlə bağlı müraciət etdi: "Real təhlükədir" - VİDEO

Dünyanın hər yerində yol hərəkəti təhlükəsizliyinin konkret vacib elementləri var. Onlardan biri də yolda hərəkət edən nəqliyyat vasitələrinin texniki vəziyyətidir. Yollarda təhlükəsizliyin təmin olunmasında üç əsas meyar mühüm rol oynayır: İnsan, texnika və yol infrastrukturu. Yollarda hərəkətdə olan texnika saz vəziyyətdə olmalıdır. Müvafiq normalara cavab verməyən nəqliyyat vasitələrinin istismarı bütün yol hərəkəti iştirakçıları üçün real təhlükədir.
Avtosfer.az xəbər verir ki, Baş Dövlət Yol Polisi İdarəsi keçirdikləri tədbirin görüntüsünü sosial şəbəkədə paylaşıb. Belə ki, tədbir zamanı sürücülər saxlanılıb, nəqliyyat vasitələrinə baxış keçirilib. Həmçinin DYP əməkdaşları sürücülərlə maarifləndirici söhbətlər aparıb. Söhbət zamanı texniki cəhətdən saz olmayan avtomobilləri idarə etməyin həm özlərinə, həm də digər hərəkət iştirakçılarına təhlükə yaratmaları qeyd olunub.

Nərmin