DYP qəzalar zamanı uşaq travmatizminə qarşı tədbirlər görür - VİDEO

DİN-in Baş Dövlət Yol Polisi İdarəsinin dəstəyi ilə bölgələrdə təhsil alan məktəblilər arasında yol hərəkəti təhlükəsizliyinin təbliği və təhlükəsiz davranış vərdişlərinin aşılanması məqsədilə silsilə tədbirlər həyata keçirilib.

DYP əməkdaşlarının Astara  şəhər 1 nömrəli tam orta məktəbdə təşkil etdiyi növbəti görüşdə yol hərəkəti qaydaları ilə bağlı məktəblilərin bilik səviyyəsi öyrənilib, bu sahədə onlara zəruri məlumat və tövsiyələr verilib.

Tədbirdə şagirdlərin sualları cavablandırılıb, onlara maarifləndirmə xarakterli materiallar təqdim olunub.