DYP toy karvanında "avtoşluq" edib video paylaşanı saxladı - həbs, sürücülükdən məhrumetmə... - VİDEO

Bu gün Avtofer.az saytənda paytaxtın Sabunçu rayonu, Maştağa qəsəbəsində yol-hərəkəti qaydalarını kobud şəkildə pozaraq avtpxuliqanlıq hərəkətləri edən sürücü barəsində məlumat verilmişdi. Belə ki, 10-SY-535 dövlət nömrə nişanlı, "Chevrolet" markalı avtomobilin sürücüsü toy karvanında kobud şəkildə manevr qaydalarını pozur, təhlükəli hərəkətlər edərək avtomobilin təkərlərinin asfalt örtüyünə sürtürdü.

Bakı şəhər Dövlət Yol Polisi İdarəsindən Avtosfer.az-a bildirilib ki, qaydaları kobud şəkildə pozan sürücü Sultanov Elşən Müseyib oğlu aşkarlanıb. O, İdarəyə dəvət olunub və izahatı alınıb. Sürücü barəsində toplanmış materiallar aidiyyəti üzrə məhkəməyə təqdim olunub. Məhkəmənin qərarı ilə Sultanov Elşən Müseyib oğlu İnzibati Xətalar Məcəlləsinin 511.1.3 maddəsi ilə təqsirli bilinərək bir il sürücülük hüququndan məhrum edilməklə 15 gün müddətində inzibati qaydada həbs olunub.

 Fərid