DYP uşaqlar üçün “Yol dərsi” rubrikasına start verdi - VİDEO

Daxili İşlər Nazirliyinin Baş Dövlət Yol Polisi İdarəsi uşaqların yol hərəkəti təhlükəsizliyi ilə bağlı biliklərinin artırılması məqsədilə yeni maarifləndirici layihəyə başlayıb.

Avtosfer.az xəbər verir ki, “Yol dərsi” adlanan rubrikada uşaqlara yolda, piyada keçidlərində, avtobus dayanacaqlarında və digər yol hərəkəti şəraitində təhlükəsiz davranış qaydaları sadə, maraqlı və əyani nümunələrlə izah olunacaq.

Layihənin əsas məqsədi uşaqlara yol hərəkəti qaydalarını öyrətməklə yanaşı, onların mümkün təhlükələri düzgün qiymətləndirmək və təhlükəsiz davranışı gündəlik vərdişə çevirmək bacarığını formalaşdırmaqdır.

DYP-dən bildirilib ki, maarifləndirici rubrika çərçivəsində uşaqların yaş xüsusiyyətləri nəzərə alınmaqla yol təhlükəsizliyi ilə bağlı müxtəlif mövzulara toxunulacaq.