DYP Yasamalda hamının şikayət etdiyi yerdə tədbirlər keçirdi - FOTO - VİDEO

Bu gün Bakı şəhər Dövlət Yol Polisi İdarəsinin əməkdaşları Yasamal rayonu A. Şərifzadə küçəsində marifləndirmə tədbirləri həyata keçirib. Avtosfer.az xəbər verir ki, tədbirlər çərçivəsində dayanma-durma qaydalarını pozan, ikinci cərgədə, avtobus dayanacağında maşın saxlayan sürücülərlə söhbətlər aparılıb. Onlara qanunun tələbləri izah edilib.
Bəzi kobud qayda pozan sürücülər barəsində inzibati qaydada protokol tərtib olunub.
Bakı şəhər DYPİ-nin bölmə rəisi, polis kapitanı Toğrul Nəsirli Avtosfer.az-a bildirib ki, sürücülər məsuliyyətli olmalıdır. "Əgər avtomobil dayanacağında, yolun ikinci cərgəsində maşın saxlayırlarsa bu inzibati məsuliyyət ilə yanaşı mənəvi bir məsuliyyət də yaradır. Çünki digərlərinə maneə yaratmaqla onların haqlı narazılıqlarına səbəb olurlar."
Toğrul Nəsirli sürücüləri qaydalara riayət etməyə çağırıb.

Orxan