Ərizə yazıb yol polisindən birdəfəlik getdi – Keçmiş YP 401 - FOTO

Bu ilin əvvəllərində Bakı şəhər Dövlət Yol Polisi İdarəsində kadr dəyişikliyi olmuşdu. Avtosfer.az-ın məlumatına görə, idarənin Yol-patrul xidməti alayının komandir müavini, polkovnik-leytenant Mürsəl Zeynalov daxili işlər nazirinin əmri ilə Sabunçu rayon Polis İdarəsinin Dövlət Yol Polisi Şöbəsində inzibati təcrübə üzrə baş inspektor vəzifəsinə təyin edilmişdi. Lakin bir neçə ay həmin şöbədə çalışan Mürsəl Zeynalov bu yaxınlarda ümumiyyətlə, daxili işlər orqanlarından kənarlaşıb. Avtosfer.az xəbər verir ki, Bakıda «YP 401» kimi tanınan Mürsəl Zeynalovun hazırda ədliyyə sistemində çalışdığı bildirilir. Belə ki, o, Penitensiar Xidmətin Konvoy Taborunun qərargah rəisi vəzifəsinə təyin edilib. Artıq bir müddətdir yeni vəzifəsini icra edir. DYP-dən öz istəyi ilə uzaqlaşıb.

Elmin