Gəncədə bahalı maşını qəsdən yandıran şəxs saxlanıldı - AÇIQLAMA - VİDEO

Gəncədə avtomobil yanaraq yararsız hala düşüb.

Avtosfer.az xəbər verir ki, zərərçəkmiş sürücü bu barədə sosial şəbəkə hesabında paylaşım edib. Hadisə avqustun 5-də gecə saatlarında qeydə alınıb. Belə ki, 20-FB-010 dövlət nömrə nişanlı “BMW” markalı avtomobil anidən alışmağa başlayıb. Zərərçəkmiş avtomobilinin qəsdən yandırıldığını iddia edib. Yanğın yaxınlıqda olan insanların köməyi ilə söndürülsə də, nəqliyyat vasitəsinə ciddi maddi ziyan dəyib. 

DİN-in Mətbuat Xidmətinin Gəncə regional qrupunun baş inspektoru Eşqin Qasımov Avtosfer.az-ın sorğusuna cavab olaraq bildirib ki, Gəncə Şəhər Baş Polis İdarəsinin əməkdaşlarının keçirdikləri müvafiq tədbirlər nəticəsində hadisəni törətməkdə şübhəli bilinən, əvvəllər məhkum olunmuş, 1982-ci il təvəllüdlü Rövşən Əliyev saxlanılaraq istintaqa təhvil verilib. Hadisənin şəxsi münasibətlər zəmnində törədildiyi məlum olub.

Nərmin