İtirilmiş sürücülük vəsiqəsi necə bərpa edilir? - DYP-dən cavab

Sürücülük vəsiqəsini itirən xeyli sürücü var. Onları düşündürən əsas məsələ vəsiqənin yenidən bərpasıdır. Bəs, itirilmiş sürücülük vəsiqəsini yenidən necə bərpa etmək olar? DİN  Baş Dövlət Yol Polisi İdarəsinin şöbə rəisi Kamran Əliyevin sözlərinə görə, əvvəlcə vətəndaşın sürücülük vəsiqəsini itirdiyini, yoxsa qayda pozuntularına yol verdiyi üçün sürücülük hüququndan məhrum edildiyi dəqiqləşdirməlidir. Vəsiqə həqiqətən itirilibsə, vətəndaşa onun sürücülük hüququndan məhrum edilmədiyinə dair arayış verilir: “Bundan sonra həmin şəxs, Baş Dövlət Yol Polisi İdarəsinin yerli qeydiyyat-imtahan şöbəsinə həmin arayışı, şəxsiyyət vəsiqəsini və s. təqdim etməlidir. Bir gün ərzində sürücü yeni sürücülük vəsiqəsi ilə təmin edilir. Bunun üçün 18 manat həcmində dövlət rüsumu nəzərdə tutulur”.