Keçmiş YP 401 yol polisində "prokuror" oldu – FOTO

Xəbər verdiyimiz kimi, bir neçə gün əvvəl Bakı şəhər Baş Polis İdarəsinin Dövlət Yol Polisi İdarəsində kadr dəyişikliyi olub. Avtosfer.az-ın məlumatına görə, bir müddət əvvəl sərəncama götürülən idarənin Yol-patrul xidməti alayının komandir müavini, polkovnik-leytenant Mürsəl Zeynalovun yerinə təyinat olub. Bakı şəhər DYPİ-nin Texniki təminat şöbəsinin rəisi, dünya çempionu, polis mayoru Raif Süleymanov Yol-patrul xidməti alayı komandirinin müavini vəzifəsinə təyin edilib. Raif Süleymanovun yerinə isə inspektor kimi çalışan Cabir Hüseynov təyin edilib.

Avtosfer,az-ın əldə etdiyi məlumata görə, polkovnik-leytenant Mürsəl Zeynalov isə martın 9-da daxili işlər nazirinin əmri ilə Sabunçu rayon Polis İdarəsinin Dövlət Yol Polisi Şöbəsində inzibati təcrübə üzrə baş inspektor vəzifəsinə təyin edilib. Bu vəzifə DYP sistmində yol polisinin "prokuroru" kimi tanınır.

Dövlət Yol Polisi İdarəsinin bölmə rəisi, polkovnik Vaqif Əsədov yeni təyinatla bağlı məlumatı təsdiq edib. O bildirib ki, Mürsəl Zeynalov uzun illərdir yol polisi sistemində çalışır.

Avtosfer.az yeni təyinat alan bütün yol polisi əməkdaşlarını təbrik edir və işlərində uğurlar arzulayır!

Elmin