Kəməri taxmayan yol polisi əməkdaşları cərimələnə bilər?

Azərbaycanda DYP əməkdaşları tərəfindən cərimələnən sürücülər arasında təhükəsizlik kəmərindən istifadə etmədiyinə görə cəzalandırılanların çoxluq təşkil etdiyi kimsəyə sirr deyil. Maraqlıdır, bəs təhlükəsizlik kəmərindən istifadə etməyən DYP əməkdaşları necə, buna görə cərimələnə bilərmi? DYP əməkdaşının nəqliyyat vasitəsini idarə edən zaman təhlükəsizlik kəmərindən istifadə etməməsi məsuliyyət doğururmu?

Bununla bağlı moderator.az-a açıqlama verən Baş Dövlət Yol Polis İdarəsinin ictimaiyyətlə əlaqələr şöbəsinin rəisi, polis polkovniki Kamran Əliyev DYP əməkdaşlarının yaşayış məntəqələrində təhlükəsizlik kəmərindən istifadə etməmək ixtiyarına sahib olduğunu vurğulayıb: “Yol patrul xidməti əməkdaşları xidmətdə olarkən onların yaşayış məntəqələrində təhlükəsizlik kəmərini bağlamamsına icazə verilir. Bu, təkcə yol patrul xidməti inspektorlarına şamil edilmir. Bu, bütövlükdə bütün operativ nəqliyyat vasitələrinin sürücülərinə şamil edilir”.