Masallı DYP tərəfindən maarifləndirmə işi aparılır - VİDEO

Masallı rayonu Dövlət Yol Polisi bölməsinin əməkdaşları rayon ərazisində “Diqqət uşaqlar” təhlükəsizlik aylığı çərçivəsində bir sıra tədbirlər həyata keçiriblər. İlk olaraq rayon ərazində və bir neçə kənddə orta məktəblərin yaxınlığında müşahidələr aparılıb, ordakı vəziyyət öyrənilib, çatışmazlıqlar aradan qaldırılıb. Bir neçə məktəbin yaxınlığında piyada keçidləri çəkilib, yol nişanları quraşdırılıb. 

Bu barədə Avtosfer.az-a məlumat verən Masallı rayonu Dövlət Yol Polisi bölməsinin rəisi, polis kapitanı İkram Məmmədov bildirib ki, bu cür tədbirlər davam etməkdədir. Artıq bu günə qədər 10-a yaxın məktəbdə tədbirlər həyata keçirilib. 3 məktəbdə şagirdlər, valideynlər və müəllimlərlə görüşlər keçirilib. Görüşlərdə uşaqların yol-nəqliyyat hadisələrindən qorunması ilə bağlı tövsiyələr verilib. Valideyinlərə azyaşlı uşaqları nəzarətsiz buraxmamaları bildirilib. Müəllimlərin yol-hərəkəti qaydaları ilə bağlı şagirdlərə mütəmadi olaraq məlumatları verməsinin vacibliyi vurğulanıb. 

Orxan