Maşına qadağan olunan işıq quraşdırıb “sağ-sol” edən sürücü CƏRİMƏLƏNDİ - RƏSMİ - VİDEO

Yol hərəkəti qaydalarını kobud şəkildə pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 99-RH-930 dövlət nömrə nişanlı “Toyota Prado” markalı avtomobilin sürücüsü yolda təhlükəli manevrlər edib. Kadrdan da göründüyü kimi, sürücü yol boyu “sağ-sol” edib şou göstərən sürücü yalnız dumanlı havada istifadəsinə icazə verilən işıqları yandırıb və maşının damına konstruksiyada nəzərdə tutulmayan işıq cihazı quraşdırıb.

DİN-in Mətbuat Xidmətinin Şirvan regional qrupundan Avtosfer.az-ın sorğusuna cavab olaraq bildirilib ki, qeyd edilən qayda pozuntusunu törədən İmişli rayon sakini A.Qarayev müəyyən edilərək imişli rayon Polis Şöbəsinin Dövlət Yol Polisi Bölməsinə dəvət olunub. Sürücü barəsində qanunvericiliyə uyğun olaraq tədbir görülüb və o, inzibati qaydada məsuliyyətə cəlb edilib.

Nərmin