Bakıda sürücü avtomobilinin dövlət nömrə nişanına müdaxilə edib.

01-BD-449 dövlət nömrə nişanlı nəqliyyat vasitəsinə edilən kənar müdaxilə səbəbindən avtomobilin nömrəsi 01-BD-448 kimi görüntülənir. Bu kadrlar sosial şəbəkələrdə yayılandan sonra yol polisi hərəkətə keçib və çox çəkməyib ki, həmin sürücünü saxlayıb.

Ciddi qayda pozuntusuna yol verdiyi üçün avtomobili saxlama meydançasına yerləşdirilib.

Bakı Şəhər Dövlət Yol Polisi İdarəsinin baş inspektoru Araz Əsgərli bildirib ki, həmin şəxs barəsində qanuni tədbirlər görülüb.

Araz Əsgərli əlavə etdi ki, qeyd olunan nəqliyyat vasitəsinin sürücüsü tərəfindən törədilən qayda pozuntularına görə barəsində tərtib edilmiş elektron protokollar artıq həmin sürücünün adına rəsmiləşdirilib.

Baş inspektor belə hərəkət  edənləri cəmiyyət tərəfindən ictimai qınaq obyektinə çevirməyi, bu tip hərəkətləri başqa sürücülərdə görən vətəndaşlardan isə polisə məlumat vermələrini xahiş edir.