Məcburi dayanma zamanı sürücülərin bilməli olduqları qaydalar - VİDEO

Son vaxtlar texniki nasazlıq səbəbindən yolun hərəkət hissəsində dayanmış nəqliyyat vasitələrinin sürücüləri tərəfindən zəruri təhlükəsizlik tədbirlərinin görülməməsi hallarına tez-tez rast gəlinir.

Bu isə digər hərəkət iştirakçıları üçün qəfil və gözlənilməz maneə yaradır ki, çox zaman ağır nəticəli yol-nəqliyyat hadisələri ilə nəticələnir.

Avtosfer.az xəbər verir ki, Baş Dövlət Yol Polisi İdarəsi sürücülərə bir daha xatırladır ki, qanunvericiliyin tələbinə əsasən, texniki nasazlıq və ya digər səbəbdən yolun hərəkət hissəsində dayanmaq məcburiyyətində qalanlar:

• dərhal qəza dayanma işıqlarını yandırmalı,

• avtomobildən təhlükəsiz məsafədə qəza nişanı qoymalı,

• imkan daxilində nəqliyyat vasitəsini yolun kənarına çəkməlidirlər.

BDYPİ vurğulayır ki, bu sadə qaydalara əməl etməklə sürücülər həm özlərinin, həm də digər hərəkət iştirakçılarının təhlükəsizliyini qoruya bilərlər.