Mərdəkanda bahalı nömrəli “BMW” ilə qayda pozan sürücü cərimələndi - RƏSMİ - VİDEO

Paytaxtın Xəzər rayonu, Mərdəkan qəsəbəsində qayda pozan sürücü cərimələnib.

Avtosfer.az-ın sorğusuna cavab olaraq Bakı şəhər Dövlət Yol Polisi İdarəsindən bildirilib ki, 99-UM-123 dövlət nömrə nişanlı “BMW 320D” markalı avtomobilin sürücüsü Cəbrayılov İsmayıl Telman oğlu yol polisi əməkdaşları tərəfindən saxlanılıb. Sürücü barəsində Azərbaycan Respublikasının İnzibati Xətalar Məcəlləsinin 327.2-ci maddəsinə əsasən, 3 bal və 100 manat məbləğində cərimə tətbiq olunub.

Qeyd edək ki, bir gün öncə qayda pozan sürücüylə bağlı saytımızda xəbər dərc olunub. Belə ki, İ.Cəbrayılov idarə etdiyi avtomobillə təhlükəli manevr edərək əks istiqamətli yola çıxmışdı.

Nərmin