Neftçalada aşan "Mercedes"lə bağlı DYP-dən maraqlı AÇIQLAMA - SƏBƏB BU İMİŞ - FOTO

11.02.2025-ci il tarixdə saat 18:00 radələrində Neftçala rayonunun Qaçaqkənd kəndi ərazisində sürücü Nəhmədov Qamət Sahib oğlu idarə etdiyi "Mercedes" markalı, 90-DH-388 dövlət qeydiyyat nişanlı avtomobili yolun kənarına aşıb.

Avtosfer.az xəbər verir ki, bu barədə Baş Dövlət Yol Polisi İdarəsi məlumat yayıb.

Hadisə nəticəsində sürücü Q.Nehmədov xəsarət alıb.  

Faktla bağlı araşdırma aparılır. 

Təhlillər onu deməyə əsas verir ki,  minik nəqliyyat vasitələrinin yoldan çıxaraq aşmasının səbəbləri əsasən aşağıdakılardır:

* Sürət həddinin aşılması – Yüksək sürətlə hərəkət edərkən avtomobilin idarə olunması çətinləşir və döngələrdə yol tutuşu azalır.

* Sürüşkən və ya pis yol şəraiti – Qar, buz, yağış və ya qum avtomobilin təkərlərinin yol tutuşunu azaldaraq sürüşməsinə səbəb ola bilər.

* Ani və kəskin manevrlər – Qəfil dönmələr və ya ani əyləcləmə nəticəsində avtomobilin stabilliyi pozula bilər.

* Təkərlərin nasaz olması – Köhnəlmiş və ya standartlara uyğun olmayan təkərlər (məsələn, qışda yay təkərləri) yol tutuşunu zəiflədir və qəza riskini artırır.

* Asqı və sükan sistemindəki problemlər – Avtomobilin asqı və sükan sistemində nasazlıqlar idarəetməni çətinləşdirə bilər.

* Sərxoş və ya yorğun sürücü – Spirtli içki və ya narkotik maddələrin təsiri altında, həmçinin yorğunluq səbəbilə sürücünün refleksləri zəifləyir.

Bu hadisələrin qarşısını almaq üçün sürücülər diqqətli olmalı, avtomobillərini mütəmadi olaraq yoxlamalı və hava şəraitinə uyğun sürüş tərzi seçməlidirlər.