Polis əməkdaşları yağışlı havada yaşlı qadına baxın necə yardım etdilər - VİDEO

Paytaxt ərazisində yağan aramsız yağışlar əksər küçələrdə piyadaların hərəkətini çətinləşdirib. Xüsusilə yaşlı nəslin nümayəndələri yolu keçməkdə çətinlik çəkiblər. Bu zaman yaxınlıqda olan polis əməkdaşları onların köməyinə çatıb.

Avtosfer.az-ın məlumatına görə, belə görüntülərdən biri Bakının Nərimanov rayonunda qeydə alınıb. Görüntüdən də aydın olduğu kimi, ərazidə xidmət aparan polislər təmizlik işləri görən yaşlı qadına yardım ediblər. Belə ki, onlar qadının qolundan tutaraq piyada keçidindən keçiriblər.

Qeyd edək ki, polislərin bu təqdirəlayiq hərəkəti vətəndaşlar tərəfindən rəğbətlə qarşılanıb.

Nərmin