Polis rəisinin müavinini şantaj edən qadına 5 il həbs verildi

Polis rəisinin müavinini şantaj etməkdə ittiham edilən qadına hökm oxunub. Avtosfer.az "Report"a istinadən xəbər verir ki, Bakı Ağır Cinayətlər Məhkəməsində hədə-qorxu ilə pul tələb etməkdə ittiham olunan Vəfa Dadaşovanın cinayət işi üzrə məhkəmə iclası başa çatıb. Dövlət ittihamçısı Vəfa Dadaşovanın 6 il müddətinə azadlıqdan məhrum edilməsini istəyib. Məhkəmə müşavirədən sonra hökmü elan edib. Hökmə əsasən V.Dadaşova 5 il müddətinə azadlıqdan məhrum edilib. V.Dadaşova ibtidai sinifə qədər uşaqların hazırlığı ilə məşğul olub. Zərərçəkmişlər iddia edirlər ki, V.Dadaşova istintaq müddətində onları şantaj edib, barəsində internetdə məlumatlar yerləşdirib.

Qeyd edək ki, V.Dadaşova hazırlıq iclasında həbs edilmişdi. Zərərçəkmiş zəxslərdən Pərviz İsmayılov İsmayıllı rayon Polis şöbəsinin rəis müavinidir. Digər zərərçəkmiş isə həkimdir.