Polis suda batan "Lexus" sürücüsünü belə xilas etdi - VİDEO

Paytaxtın Qaradağ rayonunda “Lexus” markalı avtomobil sürücünün idarəetməsindən çıxaraq yol kənarındakı su hövzəsinə düşüb.

Avtosfer.az xəbər verir ki, hadisə bu gün günorta saatlarında qeydə alınıb. Boğulma təhlükəsi ilə üzləşən və nəqliyyat vasitəsində köməksiz vəziyyətdə qalan sürücü polis əməkdaşlarının köməyi ilə xilas edilib. Görüntüləri DİN-in mətbuat xidmətinin rəisi, polis polkovnik-leytenatı Elşad Hacıyev paylaşıb. 

Qeyd edək ki, hava şəraiti ilə əlaqədar olaraq DİN əməkdaşları gücləndirilmiş rejimdə xidmət aparır. Daxil olan çağırışlar üzrə vətəndaşlara zəruri köməkliklər göstərilməklə polis əməkdaşları tərəfindən müraciətlərə çevik reaksiyalar verilir.

Sözügedən hadisənin görüntülərini təqdim edirik: