PPX avtomobili işıq dirəyinə çırpıldı: 2 polis yaralanıb

Gecə saatlarında Tovuz rayonunun Öysüzlü kəndində Polis Patrul Xidməti maşınının iştirakı ilə qəza baş verib. Avtosfer.az "Report"a istinadən xəbər verir ki, qəza nəticəsində 1993-cü il təvəllüdlü Məmmədov Xəyal Tahir oğlu və Qazqulu kənd sakini, 1991-ci il təvəllüdlü Qəhrəmanov Arzu Xaliq oğlu xəsarət alaraq xəstəxanaya yerləşdirilib. Hadisə avtomobilin sürətlə hərəkətdə olan zaman işıq dirəyinə çırpılması nəticəsində baş verib. Onların hər ikisi polis çavuşudur və vəziyyətlərinin orta-ağır olduğu bildirilir. Faktla bağlı araşdırma aparılır.