Qaradağda yol polisi "Təmiz hava aylığı" ilə bağlı tədbirlər keçirdi; cərimələnənlər var - FOTO - VİDEO

Yol polisi "Təmiz hava" aylığı ilə bağlı növbəti aksiyanı Qaradağ rayonunda keçirib. Avtosfer.az xəbər verir ki, Qaradağ rayon DYP Şöbəsinin əməkdaşlarının iştirakı ilə keçirilən tədbir zamanı avtomobillərdən atmosferə atılan qazların miqdarı yoxlanılıb. Ekologiya və Təbii Sərvətlər Nazirliyinin əməkdaşlarının da qatıldığı tədbirdə havaya normadan artıq tullantı atan avtomobillərin sürücülərinə həm sağlamlıqlarının, həm də ətraf mühitin qorunması üçün avtomobillərini saz vəziyyətdə saxlamaları ilə bağlı maarifləndirici tövsiyələr verilib. Avtomobilləri saz vəziyyətdə olan sürücülərə isə təşəkkür edilib.

Aksiya zamanı əksər sürücülərin avtomobilləri normalara cavab verib. Sürücülərlə söhbət zamanı tövsiyə ediblər ki, avtomobillərin saz vəziyyətdə saxlanması əvvəlcə özləri, ailə üzvləri və cəmiyyət üçün xeyirlidir.

Zərərli qazların miqdarı normadan artıq olan nəqliyyat vasitələrinin sürücülərinə inzibati qaydada protokol tərtib olunub.

Bəzi sürücülərə xəbərdarlıq olunub.

Qeyd edək ki, “Təmiz hava aylığı” ilə bağlı tədbirlər ayın sonunadək davam etdiriləcək.

Emin