Qaradağda fərqli maşınlarla şou göstərən vəsiqəsiz sürücüsü 20 günlük HƏBS EDİLDİ - VİDEO

Paytaxtın Qaradağ rayonu, Lökbatan qəsəbəsində avtoxuliqanlıq edərək görüntülərini sosial şəbəkədə paylaşan sürücü müəyyən olunub.

Bakı şəhər Dövlət Yol Polisi İdarəsinin bölmə rəisi Toğrul Nəsirli Avtosfer.az-ın sorğusuna cavab olaraq bildirib ki, “VAZ-2107” və “Dacia” markalı avtomobillərlə yol hərəkəti qaydalarını kobud şəkildə pozaraq digər hərəkət iştirakçılarına real təhlükə yaradan, eləcə də avtomobilin konstruksiyasına müdaxilə edən sürücü - Cəsur İsayev aşkar olunaraq saxlanılıb.

Sürücü barəsindəİnzibati Xətalar Məcəlləsinin müvafiq maddələrinə əsasən protokol tərtib olunub və toplanmış materiallar baxılması üçün aidiyyəti üzrə məhkəməyə göndərilib. Məhkəmənin qərarı ilə sürücü - C.İsayev 20 gün müddətinə inzibati qaydada həbs edilib.

Xatırladaq ki, bir neçə gün öncə sözügedən sürücüylə bağlı saytımızda xəbər dərc olunmuşdu. 

Nərmin