Qaxda yanğın baş verdi - DYP əməkdaşları dərhal köməyə gəldi - VİDEO

Qax rayonu Vaqif Eyvazov küçəsində yerləşən yaşayış evlərindən birində baş vermiş yanğın yol polisi əməkdaşları tərəfindən söndürülüb.

Bununla bağlı izləyicilərdən biri Avtosfer.az-ın “İnstagram” adresinə foto və videomaterial göndərib. Onun sözlərinə görə, oktyabrın 23-də səhər saatlarında ev 1A mənzil 6  ünvanında işlək vəziyyətdə olan paltaryuyan maşın qəfil alışmağa başlayıb. Yaxınlıqdakı yol patrul xidməti əməkdaşları pəncərədən çıxan tüstünü görərək yanğına dərhal müdaxilə ediblər. Belə ki, onlar öncə Fövqəladə Hallar Nazirliyinin “112” qaynar xəttinə zəng edərək məlumat veriblər. Daha sonra əməkdaşlar avtomobillərindəki yanğınsöndürən balonun köməyi ilə paltaryuyan maşını zərərsizləşdiriblər.

Sonda izləyici saytımız vasitəsilə onlara yardım edən Qax rayon Dövlət Yol Polisi əməkdaşlarına minnətdarlığını bildirib.

Nərmin