“Qurtuluş kuboku”nun qalibi polislər oldu

İsmayıllı rayonu Gənclər və İdman İdarəsi və Olimpiya İdman Kompleksinin birgə təşkilatçılığı ilə “Qurtuluş kuboku” uğrunda mini-futbol turniri keçirilib. Yarışda müxtəlif idarə, müəssisə və təşkilatları təmsil edən 16 komanda iştirak edib. Turnirə İsmayıllı Rayon Polis Şöbəsinin mini-futbol komandası da qatılıb. Keçirilən qarşılaşmaları öz qapısından bir qol belə buraxmadan qələbə ilə başa vuran İsmayıllı RPŞ-nin komandası finala yüksəlib. Dünən keçirilən final görüşündərayonun Olimpiya İdman Kompleksində baş tutan görüşdə polislərin rəqibi “Tikinti ASC”-nin komandası olub. RPŞ-nin komandası 5:2 hesabı ilə qələbə qazanıb, “Qurtuluş kuboku” uğrunda mini-futbol turnirinin qalibi olub.

Turnir rayon ictimaiyyəti tərəfindən maraqla izlənilib. 

Zeyni Hüseynov,

DİN Mətbuat Xidmətinin əməkdaşı