Yol polisi rayona istirahətə gedən müəllim, şagird və valideynlərə çağırış etdi - VİDEO

1 İyun - Uşaqların Beynəlxalq Müdafiəsi günüylə bağlı paytaxtda keçirilən tədbirdə Baş Dövlət Yol Polisi İdarəsi yayda rayonlara kollektiv şəkildə səfərlər edən müəllim, valideyn və şagirdlərə çağırış edib. Avtosfer.az xəbər verir ki, İdarənin şöbə rəisi polis mayoru Rövşən Tağıyev bildirib ki, yay mövsümü ilə əlaqədar şagirdlərin qrup şəklində səfərləri təşkil olunur. Lakin bu səfərlər intizamsız şəkildə həyata keçirildiyi üçün yol-nəqliyyat hadisələri baş verir.

Ötən il bölgələrdə bu istiqamətdə baş vermiş yol-nəqliyyat hadisələrinə əsasən, yol polisi müəllimlərə və valideynlərə müraciət edərək təhlükəsizlik qaydalarına riayət etməyi tövsiyə edib.

Rövşən Tağıyev uşaqlara, valideynlərə və müəllimlərə səslənərək vurğulayıb ki, səfərlərinin təhlükəsiz və rahat şəkildə həyata keçməsi üçün yol polisinə müraciət etsinlər.

Nərmin