Sabunçuda REYD: sənədsiz, nasaz, nömrəsiz maşın sürənlər... - VİDEO

Sabunçu rayon Dövlət Yol Polisi Şöbəsinin əməkdaşları rayon ərazisində maarifləndirici reydlər keçirib. 
Avtosfer.az xəbər verir ki, rayonun müxtəlif ərazilərində baş tutan tədbirlər zamanı qayda pozan sürücülər aşkarlanıb, onlarla söhbətlər aparılıb və inzibati qaydada protokol tərtib olunub.
Zabrat yolunda tıxac yaranan əsas yerlər dayanma-durma qaydalarını pozan avtomobillərdən təmizlənib, nəqliyyatın fasiləsiz hərəkəti təmin edilib. 
Reyd zamanı avtomobili sənədsiz idarə edən iki sürücü aşkarlanıb və müvafiq olaraq maşınlar duracağa təmin edilib. Həmçinin avtomobili nasaz vəziyyətdə, nömrəsiz idarə edən sürücülər barəsində də müvafiq maarifləndirmə tədbirləri görülüb.
Avtobus dayanacaqlarından kənar dayanan avtobuslar, yolun hərəkət hissəsinə çıxan piyadalar qanunvericiliyin tələblərinə dəvət edilib, bunun fəsadları barədə məlumatlandırılıb. 
Qeyd edək ki, analoji reydlər davam edəcək:

Orxan