Saxta polislər tutulub - Salyanda

Salyanda polis adından istifadə edib dələduzluq edən şəxslər tutulub. Avtosfer.az xəbər verir ki, bu barədə Salyan Rayon Polis Şöbəsindən apa-ya verilən məlumata görə, özlərini polis əməkdaşı kimi təqdim edən 2 nəfər rayonun Aşağı Kürkənd kənd sakini, 2000-ci il təvəllüdlü Asiman Bəhramovu həbs edəcəyi ilə hədələyib ondan 15 000 manat alıb. 

Polis əməkdaşlarının həyata keçirdiyi əməliyyat-axtarış tədbirləri nəticəsində hadisəni törədən Salyan rayon sakinləri Kamran Qasımov və Vaqif İlyasov tutulublar. 

Faktla bağlı cinayət işi başlanıb, istintaq hərəkətləri davam etdirilir.