Səbaildə narkoman sürücü yol polisi trəfindən saxlanıldı - DİN-dən AÇIQLAMA

Səbail rayonu ərazisində narkotikin təsiri altında avtomobil idarə edən sürücü saxlanılıb.

Dünən gecə saatlarında Səbail rayon Dövlət Yol Polisi Şöbəsinin əməkdaşları tərəfindən rayon ərazisində nəqliyyat vasitəsini idarə edən Fərid Məmmədovun idarə etdiyi avtomobil saxlanılıb. Nəzarət qaydasında saxlanılan 99-SP-951 dövlət nömrə nişanlı, "Mercedes" markalı avtomaşının 30 yaşlı sürücüsünün hərəkətlərində şübhəli məqamlar olduğu üçün Səhiyyə Nazirliyinin Narkoloji Dispanserinə aparılıb. 

Burada sürücünün narkotik vasitənin təsiri altında olduğu müəyyən edilib. Sürücünün barəsində İnzibati Xətalar Məcəlləsinin 333.1-ci maddəsi ilə inzibati protokol tərtib olunub və toplanmış materiallar baxılması üçün Səbail rayon məhkəməsinə göndərilib.