Şəki DYP məktəbdə tədbir keçirib - FOTO

Şəki  Dövlət Yol Polisi Bölməsinin təbliğat və təşviqat üzrə inspektoru,polis baş leytenantı Tural Niftalıyev, GİKM-nin Şəki nümayəndəliyinin direktoru, Sahil Babazadə ilə bilikdə  Şəki şəhəri, Rəşid Bəy Əfəndiyev adına 10 nömrəli tam orta məktəbin IX-XI sinif şagirdləri ilə maarifləndirici tədbir keçirib. Tədbir mövcud pandemiya qaydalarına uyğun olaraq, açıq hava şəraitində və sosial məsafə gözlənilməklə keçirilib.

Polis baş leytenantı Tural Niftalıyev, tədbirin keçirilməsində əsas məqsədin yeniyetmə və gənclərin iştirakı ilə baş verə biləcək yol-nəqliyyat hadisələrinin qarşısının alınması məqsədilə profilaktiki tədbirlərin gücləndirilməsi olduğunu qeyd edib. Belə ki, Şəki DYP tərəfindən əvvəlki tədbirlər, məktəblərin ibtidai sinif şagirdləri ilə uşaq travmatizminin qarşısının alınması məqsədilə keçirilib.

Bu gün keçirilən tədbirdə isə Şəki DYP və GİKM məktəbin yuxarı sinif şagirdlərini maarifləndirib. Şagirdlərə, küçə və yollarda təhlükəsiz davranış vərdişlərinin aşılanması məqsədilə “Piyadanın vəzifələri” barədə ətraflı məlumat verdikdən sonra, Tural Niftalıyev, məktəbin giriş-çıxış qapısının önündə asılması üçün direktor, Büllur Abdulsəlimliyə “Piyadanın vəzifələri” qeyd olunmuş “DYP GUŞƏSİ” hədiyyə edib. Büllur Abdulsəlimli, bu cür tədbirlərin böyük əhəmiyyət kəsb etdiyini qeyd edərək, qonaqlara minnətdarlığını bildirib.