Şəki DYP rayon sakinlərinə MÜRACİƏT etdi - FOTO

Azərbaycan Respublikası Nazirlər Kabinetinin 19 noyabr 2020-ci il tarixli müvafiq Qərarına əsasən ölkə ərazisində xüsusi karantin rejiminin müddəti 2020-ci il 28 dekabr saat 06:00-dək uzadılıb. Şəki də daxil olmaqla, bir neçə rayonda sərtləşdirilmiş karantin rejiminin müddəti 2020-ci il 7 dekabr saat 06:00-dək  uzadılıb.  

Məlumat üçün bildiririk ki,  Azərbaycan Respublikasının ərazisində yeni növ koronavirus infeksiyasının insanlar arasında kütləvi yayılmasının qarşısının alınması məqsədilə xüsusi karantin rejimi dövründə ölkə ərazisində açıq havadakı ictimai yerlərdə tənəffüs yollarını qoruyan fərdi vasitələrdən (tibbi maska,parça maska,respi  rator və sair) istifadə edilməsi məcburidir.

Sərtləşdirilmiş xüsusi karantin rejimi dövründə( 7 dekabr 2020-ci il 06:00-dək) İctimai nəqliyyatın fəaliyyəti tamamilə dayandırılmışdır.  Bütün hərəkət iştirakçılarına müraciət edirik ki, xüsusi karantin rejiminin qaydalarına riayət etsinlər. Əks təqdirdə,barələrində Azərbaycan Respublikası İnzibati Xətalar Məcəlləsinin 211-ci maddəsinin müvafiq bəndlərinin tələblərinin pozulmasına görə inzibati tənbeh tədbirləri görüləcəkdir. Bildiririk ki,tərəfimizdən  görülən bu və ya digər tədbirlər,insanların həyat və sağlamlıqlarının qorunmasına xidmət edir.