Şirin dilli yol polisi belə olur – VİDEO

Türkiyədə yol hərəkəti qaydalarını pozan taksi sürücüsünü yol polisləri saxlayıb. Lakin sürücü polislərə etiraz edib və qayda pozmadığını bildirib. Avtosfer.az-ın məlumatına görə, sürücü səs siqnalından düzgün istifadə etməməyə və yolu keçən azyaşlılara yol verməməyə görə cərimə edilib. Sürücünün etirazını səbrlə dinləyən polis əməkdaşı isə ona şirin dillə başa salıb ki, uşaqlar yolu keçərkən qorunmasız olurlar və siqnal vermək onları çaşdıra bilər. Bundan əlavə, yol polisi sürücünün törətdiyi xətaların yolu keçən insanlara başqa problemlər də yaratdığını sakit tərzdə başa salması, sürücünün isə onunla razılaşması diqqət çəkib və polisin peşəkarlığı sosial şəbəkələrdə müzakirələrə səbəb olub. Polis əməkdaşı sürücüyə həm qanunun tələblərini, həm də psixoloji amilləri də izah edəndən sonra sürücü sakitləşib və onunla razılaşıb.

Ümid edirik ki, bizim yol polisi sıralarında da belə əməkdaşların sayı artacaq və qayda pozan hər sürücünü bu qaydada başa salmaq çətin olmayacaq.

Elmin