Siyəzəndə uşaqların yol təhlükəsizliyi ilə bağlı maarifləndirici tədbir keçirilib - FOTO - VİDEO

“Diqqət, uşaqlar!” devizi altında keçirilən təhlükəsizlik aylığı çərçivəsində Siyəzən Rayon Polis Şöbəsinin Dövlət Yol Polisi Bölməsinin əməkdaşları tərəfindən 2 nömrəli tam orta məktəbdə şagirdlərlə maarifləndirici görüş keçirilib.

Avtosfer.az xəbər verir ki, görüş zamanı məktəblilərə küçə və yollarda təhlükəsiz davranış qaydaları, yol hərəkəti iştirakçılarının hüquq və vəzifələri, piyada keçidlərindən düzgün istifadə və işıqforun tələblərinə əməl olunmasının vacibliyi izah edilib.

Sonda şagirdlərin mövzu ilə bağlı sualları cavablandırılıb, onlara yol hərəkəti təhlükəsizliyinin təmin olunması istiqamətində zəruri tövsiyələr çatdırılıb.