SOCAR-ın avtobusu qəza törətdi - Polis öldü

Bakıda sərnişin avtobusu qəza törədib. Avtosfer.az-ın APA-ya istinadən məlumatına görə, hadisə bu gün səhər saatlarında “Ay işığı” restoranının qarşısında qeydə alınıb. SOCAR-a məxsus avtobus “Mercedes” markalı minik avtomobili ilə toqquşub. Qəza nəticəsində bir nəfər ölüb, bir neçə nəfər xəsarət alıb. Nizami rayon Polis İdarəsindən faktı təsdiqləyiblər. Bildirilib ki, qəza nəticəsində ölən şəxs polis əməkdaşıdır, o, minik avtomobilində olub. Ölən şəxs mühafizə polisində çalışırmış. Hazırda faktla bağlı araşdırma aparılır.

Səhiyyə Nazirliyinin mətbuat xidmətindən Trend-ə verilən məlumata görə, hadisə yerində bir nəfər ölüb, iki nəfər isə xəsarət alıb: “Yaralılardan bir nəfərinin xəsarəti yüngül olduğu üçün ona hadisə yerində tibbi yardım göstərilib və evə buraxılıb. Digər yaralı isə şəxs isə bədən xəsarətləri ilə 3 saylı Şəhər Kliniki Xəstəxanasına yerləşdirilib”.