"SOCAR"ın etdiyi səhvi yol polisi aradan qaldırdı – VİDEO

Xəbər verdiyimiz kimi, bir müddət əvvəl Səbail rayonu, Salyan yolu şosesinin Bibiheybət məscidinin yaxınlığındakı hissəsində qoşa xəttin üstündə qanunsuz olaraq qırıq-qırıq xətt yaradılıb. "SOCAR" yanacaqdoldurma məntəqəsinin qarşısında yaradılan həmin yerdən sürücülər sola dönüb YDM-yə daxil olurdular. Bu isə ciddi təhlükə yaradırdı. Belə ki, Bibiheybətə tərəf olan istiqamətdə iki hərəkət zolağı olsa da, əks yolda 3 zolaq var. Bu baxımdan, ərazidə bəzi sürücülərin də yüksək sürətlə avtomobil idarə etməsi daha gərgin vəziyyət yaradırdı. Avtosfer.az-a daxil olan məlumata görə, həmin xətti qanunsuz olaraq "SOCAR" YDM-nin işçiləri çəkib və daha çox müştəri yığmaq üçün bunu ediblər. Lakin YDM əməkdaşları bildirirlər ki, həmin xəttin çəkilməsinə DYP özü icazə verib.

Bütün bunlara baxmayaraq, həmin problem Avtosfer.az-a işıqlandırılandan sonra Baş Dövlət Yol Polisi İdarəsinin nümayəndələri ərazidə yoxlama aparıblar. Məlum olub ki, qırıq-qırıq xətt olduqca təhlükəli yerdə yaradılıb və qəza şəraiti yaradır. Bu səbəbdən də DYP-nin qərarı ilə qırıq-qırıq xətt ləğv edilib və bütov xətt təmin olunub.

Qeyd edək ki, artıq həmin yolda radar da quraşdırılıb.

Bir neçə ay əvvəl məhv həmin qırıq-qırıq xətt olan yerdə "Porsche" markalı avtomobil sola dönən polis maşının vurub. Nəticədə bir polis əməkdaşı ölüb.

Elmin