Sumqayıtda piyadalarla maarifləndirici söhbətlər aparılıb - VİDEO

Sumqayıtda piyadaların vurulmasıyla nəticələnən yol-nəqliyyat hadisələrinin qarşısını alınması məqsədiylə tədbirlər keçirilib. Avtosfer.az xəbər verir ki, Sumqayıt şəhər Polis İdarəsinin Dövlət Yol Polisi şöbəsinin əməkdaşları tərəfindən şəhər ərazisində yol hərəkəti təhlükəsizliyinin təmin edilməsi və piyadaların vurulmasıyla nəticələnən yol nəqliyyat hadisələrinin qarşısının alınması məqsədiylə tədbirlər həyata keçirilib. Maarifləndirici tədbir zamanı mövcud keçidlərdən istifadə etməyərək öz həyatlarıyla bərabər digər hərəkət iştirakçılarına ciddi təhlükə yaradan piyadalar saxlanılaraq onlarla maarifləndirici söhbətlər aparılıb. Həmin piyadalara yol hərəkətinin təhlükəsizliyi barədə məlumatlar verilib. Yol Polisi əməkdaşlarının etdikləri xəbərdarlıqlara baxmayaraq yolun piyadalar üçün nəzərdə tutulmayan hissəsindən istifadə edən şəxslər barəsində inzibati prtokollar tərtib edilib.

Qeyd edək ki, Sumqayıt şəhəri ərazisində piyadaların və digər hərəkət iştirakçılarının təhlükəsizliyini təmin etmək məqsədiylə bu cür profilaktik tədbirlər mütəmadi olaraq həyata keçiriləcək.