Sumqayıtda yol polisi piyadalarla maarifləndirici söhbətlər apardı - VİDEO

Sumqayıtda yol hərəkəti qaydalarını pozan piyadalara qarşı reyd keçirilib. Avtosfer.az xəbər verir ki, şəhərin əsasən Bakı-Quba yolu istiqamətində, Hacı Zeynalabdin Tağıyev qəsəbəsində, Şirvan yaşayış massivində və maşın bazarı yaxınlığında baş tutan reydi Sumqayıt şəhər Polis İdarəsinin Dövlət Yol Polisi Şəbəsinin əməkdaşları keçirib. Bir neçə küçə və prospektdə baş tutan reyd zamanı 20 piyada inzibati qaydada cərimə edilib. Reyd zamanı öz həyatları ilə yanaşı, digər hərəkət iştirakçılarının da həyatını təhlükəyə atan saxlanılıb. DYP əməkdaşları həmin piyadalarla maarifləndirici söhbətlər aparıb. Xəbərdarlıqlara baxmayaraq, yolu piyadalar üçün nəzərdə tutulmayan yerlərdən keçən piyadalar isə cərimə edilib.

Sumqayıt şəhər Dövlət Yol Polisi Şöbəsi yol hərəkəti iştirakçılarını qaydalara əməl etməyə çağırır. Əks halda, heç kim məsuliyyətdən yayına bilməyəcək.

DYP-dən bildirilib ki, piyadalar arasında intizamın möhkəmləndirilməsi, hərəkətin təhlükəsizliyinin təmini, xüsusən də piyadaların həyat və sağmalığının qorumnası məqsədilə bu cür tədbirlər davam etdiriləcək.

Elmin