Sumqayıtda yol polisi şagirlərə yol qaydalarını öyrədir - VİDEO

Mərifət Məmmədlinin 10 yaşı  var, 5-ci sinifdə oxuyur. Mərifət deyir ki, oxuduğu məktəb yol üzərində yerləşdiyindən  ər gün bu yoldan istifadə etməli olur. O, yol hərəkəti qaydalarına riayət etməyin vacib  olduğunu bildirir. Qeyd edir ki, hər bir insan öz təhlükəsizliyini qorumalı və müəyyən edilmiş yol hərəkəti qaydalarına əməl etməlidir: “Özümüzə çoxlu fikir verməliyik. Məsələn, maşın haradan gəlirsə səkiylə hərəkət edirəm. Yolun o  biri üzünə keçəndə yolun ortasında dayanıram və maşın haradan gəlirsə o tərəfə baxıram. Maşın yaxında olsa gözləyirəm. Uzaqda olsa yavaş-yavaş tələsmədən keçirəm ki, sürücü birdən çaşıb qəza edə bilər. Əgər iki tərəfdə maşın yoxdursa mən özüm yolu keçirəm”.

Yol hərəkəti  qaydalarını bilməyin vacibliyini  bildirən  Mərifət oxuduğu məktəbdə  də maarifləndirici tədbirlərin keçirildiyini deyir.

Yeri gəlmişkən qeyd edək ki, Sumqayıt şəhər Polis İdarəsinin Dövlət Yol Polisi Şöbəsi yeni dərs ilinin  başlanması ilə bağlı məktəblərdə maarifləndirici tədbirlərə start verib. Şagirdlərə küçə və yollarda təhlükəsizlik vərdişləri aşılanıb, onlarla nizam-intizam qaydaları, eləcə də yol mədəniyyətinin yüksəldilməsi üzrə təbliğat və maarifləndirici söhbətlər aparılıb.

Bildirilib ki, Sumqayıtda bu ilin müvafiq dövrü ərzində 11 azyaşlı piyadanı avtomobil vurub, onlar müxtəlif xəsarətlər alıblar.

Sumqayıt şəhər Polis İdarəsinin bölmə rəisi Yaqub Baxşəliyev bildirib ki, şəhərdə 49 təhsil ocağı var. Fikrimiz odur ki, bütün təhsil ocaqlarında bu barədə təbliğat aparılsın, tədbirlər keçirilsin və bütün dərslərdə yol hərəkəti qaydaları haqqında aşılanma getsin.

Qeyd olunub ki, bu kimi  profilaktik tədbirlər davam etdiriləcək. Həmçinin bildirilib ki, bu ilin ötən dövrü ərzində 13 azyaşlı tərəfindən 64 cinayət hadisəsi törədilib. Bununla yanaşı, 84 yeniyetməylə bağlı  fərdi-profilaktik iş açılıb və onlara nəzarət olunur. 

Eyni zamanda 26 valideyn də profilaktik söhbətlərə cəlb  olunub.