Sumqayıtda yol polisinin keçirdiyi tədbirlər müsbət nəticə verdi - VİDEO

Sumqayıt Şəhər Polis İdarəsinin Dövlət Yol Polisi Şöbəsinin əməkdaşları bayram günlərində gücləndirilmiş iş rejimində calışıb. Bayram günlərində də yol hərəkəti qaydalarını pozan sürücülərə qarşı reydlər keçirilib. Görülən tədbirlər nəticəsində bir sıra qayda pozuntuları aşkar edilib. Şəhərin müxtəlif küçə və prospektlərində təşkil olunan reyddə məqsəd yollarda təhlükəsiz və rahat hərəkətin təmin olunması, ciddi qayda pozuntularına yol verırık tıhlükə yaradan sürücülərin aşkarlanması olub. İki saata yaxın davam edən reyd zamanı 30-a yaxın avtomobil saxlanılıb. Reyd zamanı təhlükəli manevrlər edən, sürücülük hüququ olmadan sükan arxasına keçən, sərnişindaşıma qaydalarını kobud şəkildə pozan, nəqliyyat vasitəsinin konstruksiyasına əlavələr və dəyişikliklər edən, təhlükəsizlik kəmərindən istifadə etməyən, cərimələri ödəməyən və digər qayda pozuntularına yol verən sürücülər də müəyyən olunub.

Reyd zamanı 20-dən çox avtomobil cərimə meydançasına aparılıb. Onların arasında sərxoş sürücülər tərəfindən idarə olunan nəqliyyat vasitələri də var.

Yol polisi sürücüləri nizam-intizamlı olmağa, qanunun tələblərini pozmamağa çağırır. Əks halda tələbləri pozanlar cəzalandırılacaq.

Qeyd edək ki, Sumqayıtda yol polisi tərəfindən həyata keçirilən davamlı tədbirlərin nəticəsi olaraq ötən illə müqayisədə bu ilin müvafiq dövründə şəhər ərazisində baş verən yol-nəqliyyat hadisələrinin sayı 2 dəfədən çox azalıb.

Elməddin