Sürücü yol polisinə etiraz etdi – “Naxalni” cərimə yazırsan” - VİDEO

Gədəbəy rayonunda sərxoş sürücülərin sayı artıb. Avtomobili sərxoş halda idarə edən sürücülərin sayının artması yol polisini narahat etdiyi üçün Baş DYP-nin Yol-Patrul Xidməti Alayının 9-cu tağımı Gədəbəy rayon DYPŞ ilə birgə reyd keçirib. Reyd zamanı sərxoş halda avtomobil idarə edən sürücülər əməllərinə haqq qazandırmağa çalışsalar da, yol polisi onları cərimələyib. Buna görə də sürücülər yol polisinə etiraz edərək tabesizlik göstəriblər. Post-Patrul Xidmətinin köməyi ilə həmin sürücülər şöbəyə aparılıb və müvafiq qaydada cəzalandırılıb. Bəzi sürücülər “evim yaxındır” deməklə məsuliyyətdən yayınmağa çalışlblar.

Reyd zamanı sürücülük vəsiqəsi olmadan avtomobil idarə edənlər də aşkarlanıb. Onların bəziləri yol polislərinə müqavimət göstərərək gərginlik yaradıb.

Reyddə təhlükəsizlik kəmərindən istifadə etməyən, avtomobilə pərdə vuran, müvafiq sənədlər olmadan sükan arxasına keçənlər də aşkar olunaraq cərimə edilib.

Orxan