Tovuzda "22 barmaq avtoş" saxlanıldı; maşının önünü qaldırıb nömrəsiz sürürdü - VİDEO

Tovuz rayonunda qayda pozan sürücü özünü videoya çəkərək “TikTok” sosial şəbəkəsində paylaşıb.

Avtosfer.az-ın məlumatına görə, “VAZ-2101” markalı avtomobilin sürücüsü maşını dövlət nömrə nişanı olmadan idarə edib. Digər kadrda isə o, nəqliyyat vasitəsinin konstruksiyasına müdaxilə edərək ön hissəsini 22 barmaq göyə qaldırıb, arxa tərəfini isə aşağı salıb. 

DİN-in Mətbuat Xidmətinin Gəncə regional qrupundan Avtosfer.az-ın sorğusuna cavab olaraq bildirib ki, sözügedən avtomobilin sürücüsü Tovuz Rayon Polis Şöbəsinin Dövlət Yol Polisi Bölməsinin əməkdaşlarının keçirdikləri müvafiq tədbirlər nəticəsində müəyyən edilib. Sürücü barəsində qanunamüvafiq tədbir görülüb və avtomobilin istismarı dayandırılaraq müvəqqəti duracağa yerləşdirilib. 

Nərmin