Xırdalan sakini DYP tərəfindən təzyiqə məruz qaldığını iddia edir - VİDEO

APA TV-nin Qaynar xəttinə müraciət edən Axundov Kamran Şəmistan oğlu Abşeron rayon Dövlət Yol Polisi Şöbəsinin iki əməkdaşı - Bəhruz Ağayev və Tural Yolçuyev tərəfindən təzyiqə məruz qaldığını iddia edib.

O bildirib ki, Sumqayıt şəhərindən Xırdalan şəhərinə gedərkən yaşadığı fərdi yaşayış evinə gedən yolun bağlı olduğunu görüb. Buna görə də içində ailəsinin də olduğu “Mercedes” markalı avtomobillə geriyə dönüş edib şossedə hərəkətini davam etdirmək istəyib.

Bu zaman Abşeron Dövlət Yol Polisi Şöbəsinə məxsus 99-YP-172 dövlət yol nişanlı “KİA” markalı avtomobil onun idarə etdiyi 99-AE-063 dövlət yol nişanlı avtomobilə "saxla" əmri verir. Vətəndaş Axundovun dediyinə görə, o avtomobildən düşdükdə Bəhruz Ağayev və Tural Yolçuyev onun içkili olduğunu iddia ediblər. Daha sonra tərəflər arasında mübahisə düşüb.

Daha ətraflı təqdim etdiyimiz videoda: