Yol polisləri Xırdalanda yaranan tıxaca görə reyd keçirib - VİDEO

Abşeron rayon Dövlət Yol Polisi Şöbəsinin əməkdaşları qayda pozan sürücülərə və piyadalara qarşı reyd keçirib. Avtosfer.az xəbər verir ki, keçirilən reydin əsas məqsədi Xırdalan dairəsində, eləcə də Xırdalan şəhərinin müxtəlif küçə və prospektlərində dayanma-durma qaydalarını pozan sürücülərin maarifləndirilməsi istiqamətində olub. 
Qeyd edə ki, dayanma-durma qaydalarını kobud şəkildə pozan sürücülər barəsində inzibati məsuliyyət tədbirləri həyata keçirilib, o cümlədən avtobus dayanacaqlarını zəbt edən avtomobillər oradan uzaqlaşdırılıb. 
Həmçinin reyd zamanı yolu nəzərdə tutulmayan yerdən keçən piyadalar aşkarlandığından, onlarla profilaktiki söhbətlər aparılıb.